بھارت کے اسٹار بلے باز ویرات کوہلی بھی ٹکٹ مانگنے والوں سے پریشان ہوگئے، سوشل میڈیا پر پوسٹ لگا دی۔ لکھا دوستوں سے گزارش کرتا ہوں کہ پورے ورلڈ کپ کے دوران ٹکٹس نہ مانگیں، میچ گھر سے انجوائے کریں۔
بھارت میں کرکٹ ورلڈ کپ 2023 کا آغاز کل (5اکتوبر) سے ہورہا ہے، ایسے میں بھارتی اسٹار بلے باز ویرات کوہلی بھی ٹکٹ مانگنے والوں سے پریشان ہیں۔
انہوں نے سوشل میڈیا پر اپنی ایک پوسٹ میں کہ دوستوں سے گزارش کرتا ہوں کی پورے ورلڈ کپ کے دوران ٹکٹس نہ مانگیں، میچ گھر سے انجوائے کریں۔
انوشکا شرما نے کرکٹر کی پوسٹ پر جواب میں کہا اگر کوہلی آپ کے پیغامات کا جواب نہ دیں تو برائے مہربانی مجھے مدد کیلئے مت کہیے گا، امید ہے آپ سمجھ جائیں گے۔
بھارتی ٹیم ورلڈ کپ میں اپنا پہلا میچ 8 اکتوبر کو آسٹریلیا کے خلاف کھیلے گی، جبکہ روایتی حریف پاکستان سے اس کا مقابلہ 14 اکتوبر کو ہوگا۔
