چئیرمین پی سی بی محسن نقوی نے کوچز کو فری ہینڈ دے دیا۔
چئیرمین پی سی بی محسن نقوی سےوائٹ بال کے ہیڈ کوچ گیری کرسٹن،ریڈ بال کے ہیڈ کوچ جیسن گلیسپی اوراسٹنٹ کوچ اظہر محمود نے ملاقات کی،ملاقات میں پاکستانی کھلاڑیوں کی کوچنگ کے امور پر تبادلہ خیال کیا گیا۔
دوران ملاقات بیٹنگ باولنگ خصوصا فیلڈنگ کو بہتربنانے کےلئےجامع پلان وضع کرنے کافیصلہ کیا گیا۔ملاقات میں اتفاق کیاگیا کہ پاکستانی ٹیم میں ٹیلنٹ کی کمی نہیں اچھے کمبینیشن کا فقدان ہے،جبکہ کھلاڑی کی ٹیم میں شمولیت فٹنس سے مشروط ہوگی۔
محسن نقوی نے اس موقع پرکوچز سے کہا آپ پر پورا اعتماد ہے،کھلاڑیوں کی کوچنگ کےحوالے سے آپ کو پوری سپورٹ دیں گے۔
غیرملکی کوچز نے ٹیم کی کارکردگی کو بہتر بنانے کے پلان سے آگاہ کیا،چئیرمین پی سی بی محسن نقوی نےکوچزکی تجاویز سے اتفاق کیا،ڈائریکٹر انٹرنیشنل کرکٹ عثمان واہلہ بھی اس موقع پر موجود تھے
