بالی ووڈ اداکارہ سوناکشی سنہا کو شادی سے قبل ہی انکی والدہ پونم سنہا اور بھائی لوو سنہا نے انسٹاگرام پر ان فالو کردیا۔
بھارتی میڈیارپورٹس کےمطابق گزشتہ دنوں سوناکشی سنہا نےاپنےساتھی اداکار ظہیر اقبال سےشادی کا اعلان کیاہے،اس جوڑی کی شادی کا آڈیو دعوت نامہ بھی لیک ہو گیاہےجس میں اُنہیں اپنےعزیز و اقارب اور دوستوں کو شادی میں شرکت کی دعوت دیتےہوئے سُنا جاسکتا ہے،دعوت نامے کےمطابق شادی کی تقریب 23 جون کو ممبئی میں منعقد ہوگی۔
شادی کےاعلان کےبعد سوناکشی سنہا نے ایک بیچلر پارٹی بھی دی تھی جس میں ان کی فیملی کے کسی فرد نے شرکت نہیں کی تھی،انکے بھائی نے بھی میڈیا سے گفتگو کے دوران بہن کی شادی سے متعلق تبصرہ کرنے سے گریز کیا ہے۔
