وزیر اعلیٰ پنجاب مریم نواز نے عیدالاضحیٰ کے موقع پر 3 روزہ خصوصی صفائی مہم میں شریک عملے کو ایک ماہ کی تنخواہ بطور انعام دینے کا اعلان کر دیا۔
اپنے حالیہ پیغام میں وزیر اعلیٰ مریم نواز کا کہنا تھا کہ ’’شاباش ٹیم پنجاب، شاباش‘‘، آپ نے عوام کی مثالی خدمت کرکے ستھرا پنجاب کی نئی تاریخ لکھ دی ہے۔
وزیراعلیٰ کا کہنا تھا کہ شدید گرمی میں جس طرح آپ نے عوام کی خدمت کی وہ قابل تعریف اور قابل فخر ہے۔
مریم نواز کی جانب سے تمام میونسپل اداروں، ویسٹ مینجمنٹ کمپنیوں سمیت تمام افسران اور عملے کو خراج تحسین پیش کیا گیا۔
ان کا مزید کہنا تھا کہ منتخب نمائندوں، میڈیا اور عوام کا بھی شکریہ جنہوں نے اداروں کا ساتھ دے اس مہم کو کامیاب بنایا۔
