پاکستان کرکٹ ٹیم کے کپتان بابر اعظم سمیت 6 کرکٹرز ٹیم کے ساتھ وطن واپس نہیں آئیں گے۔
قومی ٹیم کا ٹی 20 ورلڈ کپ میں سفر اختتام پزیر ہوگیا ہے جس کے بعد کھلاڑیوں کی امریکا سے وطن واپسی کا سلسلہ شروع ہونے کو ہے تاہم، کپتان بابر اعظم سمیت چھ کرکٹرز امریکا میں کچھ دن قیام کریں گے۔
عماد وسیم ، محمد عامر، حارث روف، شاداب خان اور اعظم خان بھی امریکا میں قیام کریں گے۔
قومی ٹیم کے دیگر کھلاڑی پیر کی رات میامی سے وطن واپسی کا سفر شروع کریں گے اور دبئی سے مختلف پروازوں پر اپنے اپنے شہروں کو روانہ ہوں گے۔
پاکستان ٹیم کے کھلاڑی 19 جون کی علی الصبح پاکستان پہنچیں گے۔
بابر اعظم 22 جون کو پاکستان واپس روانہ ہوں گے۔
پاکستان ٹیم ورلڈ کپ کے سپر 8 راونڈ تک رسائی میں ناکام رہی تھی اور پاکستان کو پہلے راؤنڈ کے دو میچز میں شکست ہوئی تھی۔
