بی بی سی رپورٹ کے مطابق ایس آئی ایف سی کی کاروبار دوست پالیسیزسے آئی ٹی سیکٹر کو فروغ ملا ہے۔
بی بی سی رپورٹ کےمطابق پاکستان میں گزشتہ سال اپریل کے مقابلے میں رواں سال اپریل میں آئی ٹی برآمدات میں 62.3فیصد کا اضافہ ریکارڈ کیا گیا
ریکارڈ اضافے کی وجہ ایس آئی ایف سی کی جانب سے کاروبار دوست پالیسیز اور پالیسی اصلاحات ہیں
یہ اضافہ دو عوامل کا نتیجہ ہے پہلا مستحکم مقامی کرنسی اور فری لانسرز کیلئے غیرملکی آمدنی کی مقامی بینک اکاؤنٹس میں جمع کرنےکی اجازت ہے،دوسرا سٹیٹ بینک آف پاکستان کی جانب آئی ٹی کمپنیوں کی ریٹنشن کی حد میں نرمی کرتےہوئے 35فیصد سے 50فیصد تک کردیا گیا
آئی ٹی شعبہ ایس آئی ایف سی کے ترجیحی شعبوں میں ایک ہے جس کے فروغ کے لیے تمام اسٹیک ہولڈرز کو اعتماد میں لیا گیا
اس اضافے کی ایک اور اہم وجہ سالانہ 25ہزار سے زیادہ آئی ٹی گریجویٹس اور فری لانسرزکی ایک بڑی تعداد ہے جنہوں نے آئی ٹی کے شعبہ میں غیرملکی کمپنیوں سے پیسےکمائے جس سے غیرملکی زرمبادلہ میں اضافہ ہوا
کسی بھی شعبہ میں بہتری کے لیے آج کے دور میں جدت بہت ضروری ہے اور اسی کو مدنظر رکھتے ہوئے ایس آئی ایف سی نے خصوصی طورپر آئی ٹی کے شعبہ پر توجہ مرکوز کی ہے۔
