آئی سی سی ٹی 20 ورلڈ کپ میں بھارت کے خلاف میچ میں پاکستان کی جانب سے سکواڈ میں اہم تبدیلی کی گئی ہے۔
پاکستان اور بھارت کی ٹیمیں آئی سی سی ٹی 20 ورلڈ کپ کے بڑے میچ میں آج نیویارک میں مدمقابل ہیں۔
نیویارک کے ناساؤ کاؤنٹی کرکٹ سٹیڈیم میں کھیلے جانے والے میچ میں پاکستان نے ٹاس جیت کر پہلے فیلڈنگ کا فیصلہ کیا اور بھارتی ٹیم کو پہلے بیٹنگ کی دعوت دی۔
پاکستان کی جانب سے اہم میچ میں آلراؤنڈر عماد وسیم کی ٹیم میں واپسی ہوئی ہے جبکہ اعظم خان کو ریسٹ دیا گیا ہے۔
پاکستانی پلیئنگ الیون میں کپتان بابر اعظم، محمد رضوان، عثمان خان، فخر زمان، شاداب خان، افتخار احمد، عماد وسیم، شاہین شاہ آفریدی، حارث رؤف، نسیم شاہ اور محمد عامر شامل ہیں۔
