وطن کیلئے جان کا نذرانہ پیش کرنے والے شہداء کو پوری قوم خراجِ عقیدت پیش کرتی ہے۔
حوالدار شفیق اللہ شہید انتہائی نڈر سپاہی تھے جنہوں نے وطنِ عزیز کی خاطر شہادت کو گلے لگایا۔ انہوں نے 26 مئی کو پشاور کے علاقے حسن خیل میں دہشتگروں کے خلاف جوانمردی سے لڑتے ہوئے جامِ شہادت نوش کیا۔
حوالدار شفیق اللہ شہید کا تعلق کرک سے ہے جنہوں نے سوگواران میں والدین، بیوہ اور بچے چھوڑے ہیں ، ان کے لواحقین نے اپنے احساسات اور جذبات کا اظہار کرتے ہوئے کہا کہ'شفیق اللہ نے ملک و قوم، پاک فوج اور اسلام کے لئے قربانی دی ہے جس پرانہیں فخرہے۔
حوالدار شفیق اللہ شہید کے والد کا کہنا ہے کہ میرے بیٹے نے ملک و قوم، پاک فوج اور اسلام کے لئے قربانی دی، میرے بیٹے نے ڈٹ کر دہشتگردوں کا مقابلہ کیا اور جام شہادت نوش کیا، مجھے اس بات پر فخر ہے کہ اللہ نے میرے بیٹے کو شہادت کا رتبہ عطا کیا، یہ میرے لئے انتہائی خوشی کا مقام ہے۔
