ایف آئی اے نے انسانی اسمگلنگ اور ویزا فراڈ میں ملوث عناصر کے خلاف کریک ڈاؤن کے دوران راولپنڈی سے دو خواتین سمیت چھ ملزمان کو گرفتار کرلیاگیا۔
فیڈرل انویسٹیگیشن ایجنسی (ایف آئی اے) کے مطابق گرفتار ملزمان میں اعزاز احمد، یثرب طفیل، سہیل، بلال سلیم اور دو خواتین شامل ہیں۔ ملزمان نے بیرون ملک ملازمت کا جھانسہ دے کر شہروں سے کروڑوں روپے ہتھیا رکھے ہیں۔
ایف آئی اے ریکارڈ کے مطابق ملزم اعزاز نے شہری سے برطانیہ بھجوانے کے نام پر ایک کروڑ بیس لاکھ روپے بٹورے ہیں یثرب طفیل اور سہیل کے خلاف دو مقدمات اور متعدد انکوائریاں جاری ہیں۔
ملزمان نے شہریوں کو دبئی میں ملازمت کا جھانسہ دے کر لاکھوں روپے بٹورے ہیں،دبئی اور ملائیشیا بھجوانے کے نام پر سترہ لاکھ ہتھیانےو الے بلال کے خلاف چار مقدمات درج ہیں۔ گرفتارہونے والی دونوں خواتین کے خلاف بھی ویزا فراڈ سے متعلق متعدد مقدمات درج تھے۔
