سابق وزیراعظم آزاد کشمیرسردار تنویرالیاس کے 3 بیٹوں سمیت 9 افراد کو اسلام آباد میں گرفتار کرلیا گیا۔
ترجمان اسلام آباد پولیس کے مطابق تھانہ مارگلہ میں ملزمان کیخلاف شہری کو سنگین نتائج کی دھمکیاں دینے کا مقدمہ درج ہے۔ ترجمان وفاقی پولیس کے مطابق پولیس نے ملزمان کی پانچ گاڑیاں قبضے میں لے لیں جن پر پولیس لائٹس لگی ہوئی تھیں۔ گرفتار ہونے والوں میں چار ڈرائیور بھی شامل ہیں
درج مقدمے کے مطابق ملزمان نے شہری کا راستہ روک کر تشد د کیا اور دھمکیاں دیں۔ ملزمان کے قبضہ سے اسلحہ بھی پولیس نے تحویل میں لے لیا۔
