خیبر پختونخواہ کے محکمہ تعلیم نے مراسلے میں ہدایات جاری کرتے ہوئے صوبے کی 29 یونیورسٹیز میں ایچ ای سی پالیسی کی خلاف ورزی پرنوٹس جاری کردیا ہے۔
رپورٹس کے مطابق صوبے کی 29 یونیورسٹیز میں ایچ ای سی پالیسی کی خلاف ورزی جاری ہے، خلاف ورزی میں ایبٹ آباد یونیورسٹی، لکی مروت یونیورسٹی، گومل یونیورسٹی اور باچا خان یونیورسٹی سمیت دیگر جامعات بھی شامل ہیں۔
محکمہ تعلیم نے مراسلے میں ہدایات جاری کرتے ہوئے کہا ہے کہ تمام جامعات مین کیمپس سے الحاق کا جائزہ لیں، کچھ یونیورسٹیوں نے اپنے الحاق میں دائرہ اختیار سے تجاوز کیا، جو کہ پالیسی کے بھی خلاف ہے۔
مرکزی کیمپس کے بغیر کالجوں میں بی ایس پروگرام چلایا جارہا ہے محکمہ تعلیم کے مطابق (بی ایس )کالجوں میں کوالیفائیڈ فیکلٹی، اکیڈمک بلاک اور دیگر ضروریات کی عدم موجودگی ہے، متعدد کالجز( بی ایس) پروگرام بھی چلا رہے ہیں۔
