ورلڈکپ کے چوتھے میچ میں جنوبی افریقہ نے سری لنکا کو 6 وکٹوں اور 22 گیندوں سے شکست دیتے ہوئے کامیابی سمیٹ لی ہے ۔
تفصیلات کے مطابق جنوبی افریقہ نے سری لنکا کی جانب سے دیا گیا 78 رنز کا ہد ف 17 ویں اوور میں 4 وکٹوں کے نقصان پر عبور کر لیا جس میں اوپننگ بیٹسمین کوئنٹن ڈی کاک 20 رنز کے ساتھ سرفہرست رہے جبکہ ہنرچ کلاسن 19 رنز بنا کر دوسرے نمبر پر رہے ۔ ان کے علاوہ ٹرسٹان 13 اور مرکرام 12 رنز بنا کر پولین لوٹے ۔
سری لنکا نے ٹاس جیت کر پہلے بیٹنگ کا فیصلہ کیا اور ان کی پوری ٹیم 20 ویں اوور کی پہلی گیند پر 77 رنز بنا کر آوٹ ہو گئی جس میں کوشل مینڈس 19 رنز کے ساتھ سرفہرست رہے جبکہ اینجلیو میتھیوز بھی 16 رنز ہی بنانے میں کامیاب ہوئے۔ کمینڈس نے 11 رنز کی انگ کھیلی ، ان کے علاوہ کوئی بھی کھلاڑی ڈبل فگر میں شامل نہیں ہو سکا ۔
