بھوٹان میں جاری ساف انڈر 16 چیمپئن شپ 2023 کے سیمی فائنل میں پاکستان کو بنگلہ دیش کے ہاتھوں شکست ہوگئی۔
پاکستانی ٹیم ساف انڈر 16 چیمپئن شپ 2023 کے سیمی فائنل میں بنگلہ دیش کے ہاتھوں شکست کے بعد فائنل کی دوڑ سے باہر ہوگئی، پاکستان کو بنگلہ دیش کے ہاتھوں 1-2 سے شکست کا سامنا کرنا پڑا۔
ایونٹ کے سیمی فائنل میں پاکستان کی جانب سے پہلا گول کھیل کے 6 ویں منٹ میں عبدالغنی نے کیا جبکہ بنگلہ دیش کی جانب سے مرسد علی نے 14 ویں منٹ میں گول کر کے مقابلہ ایک ، ایک سے برابر کر دیا۔
بنگلہ دیش کی جانب سے دوسرا گول ابو سعید نے 29 ویں منٹ میں کیا ، میچ کے اختتامی وقت تک کوئی پاکستان کھلاڑی گول نہ کرسکا جس کے نتیجے میں بنگلہ دیش نے 1-2 سے کامیابی سمیٹ لی۔
سیمی فائنل میں شکست کے بعد قومی ٹیم کا ایونٹ میں سفر اختتام پزیر ہوگیا جبکہ بنگلہ دیش نے فائنل کے لئے کوالیفائی کر لیا۔
