ہونڈا نے ٹیوٹا پریئس کے مقابلے میں مارکیٹ میں اپنی نئی ’ ہونڈا سویک ہائبرڈ‘ 2025 ماڈل متعارف کروا دیا ہے ۔
تفصیلات کے مطابق ہنڈا سوک ہائبرڈ 2025 کو طویل عرصہ تک ہردلعزیز پریئس کا حریف سمجھا گیا لیکن ایک بات تو طے ہے کہ یہ گاڑی اپنے منفرد ڈیزائن، متاثر کن پاور، کارکردگی اور بہترین مائلیج کے ساتھ اپنی الگ پہچان بناچکی ہے۔ہنڈا سوک 2025 ہائبرڈ کو چلانے کرنے کا تجربہ نہایت خوشگوار ہے یہی وجہ ہے کہ اس گاڑی نے نہایت کم وقت میں لوگوں کی توجہ اپنی جانب مبذول کرائی اور اب یہ کار لورز کا بہترین انتخاب بن چکی ہے۔
ہنڈا سوک ہابرڈ 2025 جدید فیچرز کے ساتھ سیڈان اور ہیچ بیک باڈی سٹائل میں دستیاب ہے۔ علاوہ ازیں، صارفین کے فائدے کے لیے کمپنی نے گاڑی کے 2 ویرینٹس متعارف کرائے ہیں جن میں سوک ہائبرڈ سپورٹ اور ہائبرڈ سپورٹ ٹورنگ شامل ہیں۔
خصوصیات
ہنڈا سوک ہائبرڈ کی نئی سیڈان میں چند تبدیلیاں کی گئی ہیں جن میں نئی فرنٹ میش گرل، نئی ہیڈلائٹ اور خوبصورت باڈی سٹائل شامل ہیں۔اس گاڑی کا فرنٹ پروفائل اب زیادہ ماڈرن اور رفتارانگیز لگتا ہے۔ اس کے علاوہ ہڈ پر ہنڈا کا لوگو نمایاں کیا گیا ہے جبکہ ٹیل لائٹس کو اس بار گہرے رنگ میں رنگ دیا گیا ہے۔ اس خوبصورت گاڑی کے پہیے ایروڈینامک ایفیکٹ کے ساتھ آئے ہیں۔ ہنڈا سوک 2025 نان ہائبرڈ ویریئنٹ کے بھی 2 ویرینٹس ہیں جن میں ایل ایکس سیڈان اور سپورٹ سیڈان اور ہیچ بیک باڈی اسٹائل شامل ہیں۔
انجن
نئی ہنڈا سوک میں 2000 سی سی 4 سلنڈر انجن کے ساتھ 2 الیکٹرک موٹرز آتی ہیں جو مل کر 200 ہارس پاور پیدا کرسکتی ہیں۔ گاڑی میں فرنٹ وہیل ڈرائیو اور تین موڈز (ایکو، نارمل، سپورٹ) موجود ہیں جبکہ سیٹس کے نیچے لتھیم آئن بیٹری پیک دیا گیا ہے لیکن کمپنی نے ابھی تک چارجنگ رینج اور سیٹ اپ کے بارے میں زیادہ تفصیلات ظاہر نہیں کی ہیں۔
دلکش انٹیریئر
گاڑی کا انٹیرئیر کافی کشادہ ہے جہاں 5 افراد بآسانی سفر کرسکتے ہیں۔ یہاں ہیٹڈ سیٹس، ایک سن روف، ڈوئل زون کلائمیٹ کنٹرول، ایک وسیع سنٹر کنسول، وسیع سٹوریج کپیسٹی گنجائش اور ایک معقول ٹرنک سپیس ہے۔نئی ہنڈا سوِک ہائبرڈ کی ڈلیوری کی تاریخ کا ابھی تک اعلان نہیں کیا گیا ہے لیکن توقع کی جارہی ہے کہ یہ اس موسم گرما میں دیگر معروف ماڈلز کو ٹکر دینے کے لیے دستیاب ہوگی۔
