وزیرا علیٰ پنجاب مریم نواز نے عوام کو روٹی کی قیمت میں مزید کمی کی نوید سنا دی۔
سماجی رابطے کے پلیٹ فارم ایکس پر جاری اپنے بیان میں وزیر اعلیٰ پنجاب مریم نواز کا کہنا تھا کہ ہم نے پنجاب میں روٹی کی قیمت آج مزید کم کردی ہے۔
اپنے بیان میں وزیر اعلیٰ نے بتایا کہ لاہور سمیت متعدد علاقوں میں روٹی کی قیمت 14 روپے مقرر کی گئی ہے۔
مریم نواز کا کہنا تھا کہ بہاولپور اور بہاولنگر میں روٹی کی قیمت 12 روپے مقرر کر دی گئی ہے۔
انہوں نے اپنے بیان میں پاکستان تحریک انصاف کی سابق حکومت پر بھی تنقید کی۔
ان کا کہنا تھا کہ پی ٹی آئی حکومت کے غلط فیصلوں نے روٹی کو غریب کی پہنچ سے باہرکر دیا تھا۔
