پاک فوج کی جانب سے گلگت بلتستان میں فری میڈیکل کیمپ کا انعقاد کیا گیا، جہاں 1500 سے زائد مریضوں کو مفت طبی امداد فراہم کی گئی۔
ضلع گانچھے کے گاؤں کھرکو میں لگائے گئے ایک روزہ کیمپ میں آرمی میڈیکل کور کے چھبیس ڈاکٹروں اور پیرا میڈیکل اسٹاف نے حصہ لیا۔ 627خواتین اور 363 بچوں سمیت 1500 سے زائد مریضوں نے استفادہ کیا۔
طبی کمیپ میں الرجی ، فلو، بلڈ پریشر، ذیابیطس اور دیگر امراض کا علاج کیا گیا۔ میڈیکل کیمپ میں مریضوں کے مفت ٹیسٹ ہوئے اور ادویات بھی دی گئیں۔ اہل علاقہ نے پاک فوج کی بےلوث خدمات کو سراہا۔
