پاکستان اور چین کی دیرینہ اسٹریٹیجک شراکت داری میں ایک اور اہم سنگ میل عبور کرلیا،چین کے شہر سانیا میں پاک بحریہ کی پہلی ہنگور کلاس آبدوز کی کمیشننگ کی تقریب منعقد کی گئی۔
آئی ایس پی آر کےمطابق صدرمملکت آصف علی زرداری مہمان خصوصی تھے،انہوں نےکمیشننگ کو پاک بحریہ کے جدت کےسفرمیں تاریخی سنگ میل قراردیا،پاک بحریہ کے سربراہ نے بھی تقریب میں شرکت کی۔
صدرمملکت نےکہاکہ پاکستان اپنے دفاع، بحری مفادات اوراقتصادی راہداریوں کےتحفظ کی مکمل صلاحیت رکھتا ہے۔نیول چیف ایڈمرل نوید اشرف نےاس موقع پرکہا کہ اہم بحری راستوں کی بندش عالمی تجارت اورتوانائی کی ترسیل کےلیےبڑا خطرہ ہے۔آبدوزیں جارحیت کے تدارک اورسمندری تجارتی گزرگاہوں کےتحفظ میں کلیدی کردار ادا کریں گی۔
انہوں نے مزید بتایا کہ 1971 کی پاک بھارت جنگ میں سابقہ ہنگور نے دوسری جنگ عظیم کے بعد دشمن کا جنگی جہاز تباہ کرنےکا تاریخی کارنامہ انجام دیا تھا۔
آئی ایس پی آر کےمطابق ہنگورکلاس آبدوزیں جدید ترین ایئر انڈیپنڈنٹ پروپلشن ٹیکنالوجی اورجدید سونار سسٹمز سےلیس ہیں,انکا اسٹیلتھ ڈیزائن اورطویل آپریشنل صلاحیت انہیں مزید مؤثر بناتی ہے،وزیراعظم شہبازشریف اورچیف آف ڈیفنس فورسزفیلڈ مارشل عاصم منیر نےبھی اس تاریخی پیشرفت پر پاک بحریہ کومبارکباد دی ہے۔
