گھروں کی دہلیز تک پاسپورٹ ڈلیوری کا نظام مزید مؤثر بنانے اور پاسپورٹ دفاتر میں مکمل کیش لیس سسٹم رائج کرنے کا فیصلہ کرلیا گیا۔
وفاقی وزیر داخلہ محسن نقوی نے بزنس پاسپورٹ کے اجرا کے نظام کو جلد حتمی شکل دینے کی ہدایت بھی کردی ہے۔
وفاقی وزیر داخلہ محسن نقوی اور وزیر مملکت طلال چوہدری کی زیر صدارت اجلاس میں شہریوں کی سہولت کیلئے بڑے فیصلے کئے گئے۔
وزیر داخلہ نے پاسپورٹ دفاتر میں 15 روز تک مکمل کیش لیس نظام رائج کرنے کا ٹاسک بھی دے دیا۔ کہا کیش ادائیگی ختم ہونے سے ایجنٹ مافیا کا خاتمہ ہوگا اور شہریوں کو سہولت ملے گی۔
نارمل پاسپورٹ اب 21 کے بجائے 14 روز میں ملے گا۔ وزیر داخلہ نے بزنس پاسپورٹ کے اجرا سے متعلق امور پر کام تیز کرنے کی ہدایت کرتے ہوئے کہا پاسپورٹ اتھارٹی کا قیام انتہائی ضروری ہے۔
