بالی ووڈ اداکارہ انوشکا شرما اور اسٹار کرکٹر ویرات کوہلی کے ہاں دوسرے بچے کی پیدائش متوقع ہے۔
بھارتی میڈیا کے مطابق انوشکا دوسری مرتبہ حاملہ ہیں تاہم انوشکا پہلے بچے کی طرح اپنے حاملہ ہونے کا باضابطہ اعلان بعد میں کریں گی۔
بھارتی میڈیا کا دعویٰ ہے کہ انوشکا ان دنوں ویرات کوہلی کے ہمراہ کسی بھی تقریب میں شرکت یا سفر سے گریز کررہی ہیں، انوشکا اور ویرات کو حال ہی میں میٹرنٹی ہوم میں بھی دیکھا گیا تھا، انہوں نے پاپارازی سے تصاویر شیئر نہ کرنے کی درخواست کی تھی۔
میڈیا کے مطابق بھارت کی معروف ترین جوڑے کا کہنا ہے کہ وہ اس حوالے سے جلد ہی باضابطہ اعلان کریں گے۔
بھارتی میڈیا کے اس دعوے پر تاحال انوشکا شرما اور ویرات کوہلی کا ردعمل سامنے نہیں آیا۔
واضح رہے کہ بھارت کے اسٹار کرکٹر ویرات کوہلی اور معروف اداکارہ انوشکا شرما کی شادی دسمبر 2017ء میں اٹلی کے شہر میلان میں ہوئی تھی، اس جوڑے کے ہاں پہلی بیٹی وامیکا کی پیدائش جنوری 2021 میں ہوئی۔
