پی آئی اے کی دبئی سے اسلام آباد کی پرواز کے طیارے میں دھوئیں کی اطلاع پر پرواز کے اطراف ایمرجنسی ڈکلئیرکر دی گئی، مکمل جانچ پڑتال کے بعد پروازکو کلئیر کیا گیا۔
تفصیلات کے مطابق طیارے میں اشیائے خورونوش کی جگہ پر جلنے کی بو اور دھویں کی اطلاع کے باعث طیارے کو کافی دیر تک دبئی ائر پورٹ پرروکا گیا، جس دوران طیارے کے اطراف ایمرجنسی ڈکلیئر کی گئی، فائر بریگیڈ اور ایمبولینسز سمیت متعلقہ انتظامات کئے گئے ، عملے کی جانب سے جانچ پڑتال کے بعد طیارے کو کلئیر کیا گیا، ایمرجنسی کے باعث پرواز 3 گھنٹے کے بعد اسلام آباد کے لئے روانہ ہوئی ۔
