نگران وفاقی وزیر داخلہ کا کہنا ہے کہ مستونگ دھماکے میں شہداء کی تعداد 55 ہے۔ سرفراز بگٹی نے کہا کہ دہشت گردوں کے آگے سرینڈر نہیں کرینگے، ہمیں پتہ ہے کون دہشت گردی کررہا ہے، ایک ایک دہشت گرد کو بلوں سے ڈھونڈ نکالیں گے، جتنا بڑا آپریشن کرنا پڑا کریں گے۔
نگران وزیر داخلہ سرفراز بگٹی نے کوئٹہ میں پریس کانفرنس کرتے ہوئے بتایا کہ دہشت گردوں نے عید میلاد النبیؐ کے جلوس میں شرکت کرنیوالوں کو ٹارگٹ کیا، مستونگ دھماکے کے زخمیوں کا علاج جاری ہے، واقعے میں شہداء کی تعداد 55 ہوگئی۔
انہوں نے کہا کہ ہمیں پتہ ہے کون دہشتگردی کررہا ہے، دہشتگردی کرنے والوں کیلئے زیرو ٹالرنس ہے، ایک ایک دہشتگرد کو ان کے بلوں سے ڈھونڈ نکالیں گے، دہشتگردوں کیخلاف جتنا بڑا آپریشن کرنا پڑا کریں گے۔
نگران وزیر داخلہ کا کہنا ہے کہ تمام ادارے ان دہشتگردوں کیخلاف ملکر کارروائی کریں گے، ہم ان دہشتگردوں کے آگے سرینڈر نہیں کریں گے، ایک ایک پاکستانی کے خون کا حساب لیا جائے گا۔
سرفراز بگٹی نے کہا کہ جو بھی تنظیم ہو اگر وہ انتہاء پسندی کررہی ہے تو اس کیخلاف کارروائی ہوگی، اس کے قبل جتنے بھی واقعات ہوئے ان کی تحقیقات ہورہی ہے، جتنے بڑے واقعات ہوئے ہیں، ان میں را کا عمل دخل رہا ہے۔
ان کا کہنا ہے کہ وطن کے ایک ایک انچ کا دفاع کریں گے، اگر سیکیورٹی کی کوتاہی بھی سامنے آئی تو وہ بھی دیکھیں گے، معلوم ہے کون دہشت گردوں کو سپورٹ کررہا ہے۔
