امریکی ٹیکنالوجی کمپنی ایپل کی جانب سے آئندہ سال آئی فون سلم لانچ کرنے کا امکان ہے۔
رپورٹس کے مطابق اگرچہ ایپل کی آئی فون 16 سیریز کی لانچنگ میں ابھی کئی ماہ باقی ہیں، تاہم آئی فون 17 سیریز کے بارے میں افواہیں پہلے ہی منظر عام پر آ رہی ہیں، جس کی لانچنگ اگلے سال ہوگی۔
ہیٹونگ انٹرنیشنل سیکیورٹیز کے تجزیہ کار جیف پی کے ایک انویسٹر نوٹ سے پتہ چلتا ہے کہ آئی فون 17 لائن اپ ایک نیا ڈیزائن پیش کرے گا اور اس میں ڈائنامک آئی لینڈ کا چھوٹا ورژن شامل ہوگا۔
تجزیہ کار کے مطابق آئی فون 17 لائن اپ میں معمول کے مطابق ونیلا آئی فون، پرو، اور ایک پرو میکس شامل ہوں گے، لیکن ایک آئی فون سلم ہوگا جس کا مقصد آئی فون 16 پلس کو تبدیل کرنا ہے۔
آئی فون 17 میں 6.1 انچ کی اسکرین ہوگی، پرو میں قدرے بڑا 6.3 انچ پینل ہوگا اور پرو میکس کا سائز 6.9 انچ ہوگا جبکہ آئی فون 17 سلم 6.6 انچ ڈسپلے کے ساتھ آئے گا۔
آئی فون 17 اور 17 سلم میں 8 جی بی ریم جبکہ آئی فون 17 پرو اور پرو میکس میں 12 جی بی ریم ہوگی۔
رپورٹ میں کہا گیا کہ آئی فون 17 کے چاروں ماڈلز میں سامنے والے کیمرے 24 میگا پکسلز کے ہوں گے جو موجودہ 12 میگا پکسلز کیمروں سے ایک اپ گریڈ ہے۔
آئی فون 17 پرو میکس میں ایک چھوٹے ڈائنامک آئی لینڈ کی خصوصیت کی افواہ بھی ہے، جو اسے دیگر تین ماڈلز سے الگ کر دے گا۔
