پاکستان میں صارفین کی سوزوکی کی گاڑیوں سے محبت کوئی ڈھکی چھپی نہیں کیونکہ مقامی سطح پر تیار ہونے کے باعث اس کے اخراجات کافی حد تک کم ہیں تاہم ملک میں جاری مہنگائی کے باعث گزشتہ کچھ عرصہ کے دوران گاڑیوں کی قیمتوں میں بھاری اضافہ دیکھنے میں آیا ہے ۔
تفصیلات کے مطابق سوزوکی نے اپنی مشہور زمانہ گاڑی سویفٹ کی قیمت میں محدود مدت کیلئے کمی کا اعلان کیا ہے تاہم اس کے علاوہ کسی گاڑی پر کوئی رعایت کا اعلان نہیں کیا ، صارفین سوزوکی کلٹس کا بنیادی ویرینٹ 38 لاکھ 58 ہزار روپے میں حاصل کر سکتے ہیں ۔ جبکہ سوزوکی کلٹس وی ایکس ایل کی قیمت 42 لاکھ 44 ہزار روپے ہے اور سوزوکی کلٹس کا ٹاپ ویرینٹ وی ایکس ایل ، اے جی ایس 45 لاکھ 46 ہزار روپے میں خریدا جا سکتا ہے ۔یہ قیمتیں یکم مارچ 2024 سے لاگو ہیں ۔
