برطانیہ کے بلدیاتی انتخابات میں لیبر پارٹی کا پلڑا بھاری ہے، حکمران کنزرویٹو پارٹی کو بدترین تاریخی شکست کا سامنا کرنا پڑ رہا ہے۔ وزیراعظم رشی سونک کے حلقے میں بھی کنزرویٹو پارٹی ہار گئی۔
اب تک کے نتائج کے مطابق برطانیہ کے بلدیاتی انتخابات میں 107 میں سے102 کونسلز کے نتائج آگئے، کل107میں سے لیبرپارٹی48 کونسلز میں کامیاب ہوئی ہے، لبرل ڈیموکریٹس 12،کنزرویٹو5کو نسلز میں کامیاب ہوئی ہے۔ بلدیاتی انتخابات،36کونسلز میں کسی کوواضح برتری نہ مل سکی۔
لیبر پارٹی مجموعی طور پر ایک ہزار 5 نشستوں کے ساتھ پہلے نمبر پرہے۔ اس کے بعد کنزرویٹو اور لبرل ڈیموکریٹک پارٹی کی نشستیں بلترتیب 435 اور 435 ہیں جب کہ گرین پارٹی نے 137 اور 214 آزاد امیدوار بھی کامیاب ہوگئے۔
لیبر پارٹی بھی متعدد مضبوط سیٹوں سے محروم ہوگئی، بریڈ فورڈ میں بھی لیبر پارٹی کو آزاد امیدواروں کے ہاتھوں شکست کا سامنا کرنا پڑا۔ 10 سیٹیں لیبر پارٹی جبکہ 9 سیٹیں آزاد امیدواروں کو ملیں۔
برطانوی وزیراعظم نے شکست قبول کرتے ہوئے کہا کہ لیبرپارٹی کی جیت سے مایوسی ہوئی، مستقبل میں سیاسی رہنما کی حیثیت سے اپنے کام پر توجہ رکھوں گا۔ رہنما لیبرپارٹی اسٹارمر نے کہا ہے کہ بلدیاتی نتیجہ حکمران جماعت کے زوال کی نشاندہی ہے، قومی انتخابات بھی جیت جائیں گے۔