ویسٹ انڈیز وویمن کرکٹ ٹیم کے خلاف پاکستانی وویمن کرکٹ ٹیم کی مایوس کن کارکردگی پرسلیکشن کمیٹی کو تحلیل کر دیا گیا۔
ویسٹ انڈیز وویمن کرکٹ ٹیم کےخلاف پاکستانی وویمن کرکٹ ٹیم کی ناقص کارکردگی پر چئیرمین پی سی بی محسن نقوی نے فوری ایکشن لیتے ہوئے سلیکشن کمیٹی کوتحلیل کردیا ہے،جبکہ وویمن کرکٹ ٹیم کے لئے فوری طور پر 7 رکنی نئی سلیکشن کمیٹی تشکیل بھی دیدی ہے۔
سابق کرکٹرزعبدالرزاق اسد شفیق، سابق وویمن کرکٹرز اسماویہ اقبال۔ مارینہ اقبال نئی سلیکشن کمیٹی میں شامل کیا گیا ہے۔
عبوری ہیڈ کوچ وویمن کرکٹ محتشم رشید۔ وویمن کرکٹ ٹیم کی کپتان ندا ڈار اور سابق کرکٹر بتول فاطمہ بھی سلیکشن کمیٹی کے اراکین ہوں گی
وویمن کرکٹ ٹیم کے لئے بہترین کوچ کا فوری انتخاب کےلیے احکامات جاری کردئیے گئے ہیں،نئی سلیکشن کمیٹی کو فی الفور ذمہ داریاں سنبھالنے کی ہدایت کردی گئی ہے۔
