لاہور میں سٹیج اداکارہ عروج کے گھر پر فائرنگ کرنے والے ملزم کو گرفتار کر لیا گیا۔
لاہور کے علاقے سبزہ زار میں اسٹیج اداکارہ عروج کے گھر پر فائرنگ کا واقعہ پیش آیا جس پر پولیس نے فوری کارروائی کرتے ہوئے ملزم کو گرفتار کر لیا۔
اداکارہ کے مطابق ناصر خان نامی ملزم انہیں ہراساں کرتا رہا اور تعلقات قائم کرنے پر اصرار کرتا تھا۔
ایس پی اخلاق تارڑ نے بتایا کہ فائرنگ کرنے والے ملزم ناصر کو گرفتار کر لیا گیا ہے ، ملزم نے آج صبح اداکارہ عروج کے گھر پر فائرنگ کی تھی ۔
اخلاق تارڑ کا کہنا تھا کہ ملزم کے خلاف مقدمہ درج کر کے تفتیش شروع کر دی گئی ہے۔
