بانی پی ٹی آئی کی اہلیہ بشریٰ بی بی کے گذشتہ رات طبی معائنے کی رپورٹ بھی سامنے آ گئی ۔
میڈیکل رپورٹ کے مطابق بشریٰ بی بی کو دل کی کوئی تکلیف نہیں ، ان کے دل کی دن اور رات کو دو بار ای سی جیز کیں ، کوئی فرق نہ آیا ، انہیں بلڈ پریشر مانیٹرنگ ، صحت مندانہ طرز زندگی اور اچھی خوراک استعمال کرنے کی ہدایت کی گئی ۔
بشریٰ بی بی نے ڈاکٹروں کے اصرار کے باوجود دوبارہ بلڈ ٹیسٹ کرانے سے انکار کیا اور صرف ای سی جی اور بلڈ پریشر چیک کرنے کی اجازت دی ۔
ڈاکٹرز کے مطابق بانی پی ٹی آئی کی اہلیہ کو معدے میں تیزابیت کی شکایت ہوئی اور سینے کے پٹھوں میں درد تھا۔
پمز کے ڈاکٹروں نےتیزابیت اور پٹھوں کے درد کی دوائیں تجویز کیں۔
