وزیراعلیٰ پنجاب مریم نواز کا کہنا ہے کہ چند دنوں میں عوام کو ریلیف، ریلیف اور صرف ریلیف دیا۔ میرا مشن قائد نواز شریف کے ویژن کو آگے بڑھانا ہے۔
لیگی ووٹر کے نام اہم پیغام میں وزیراعلیٰ پنجاب مریم نواز نے کہا کہ ضمنی الیکشن میں مسلم لیگ(ن) کے تمام امیدوار انشاء اللہ واضح اکثریت سے کامیاب ہوں گے، مسلم لیگ (ن) کا ووٹر باہر نکل رہا ہے جو خوش آئند بات ہے۔
مریم نواز نے کہا کہ مزدور، کسان، محنت کش، طلبہ اور خواتین میری ترجیحات میں سرِفہرست ہیں، 130 ارب کا کسان پیکج نوازشریف کے زراعت دوست ویژن کی عکاسی ہے، جلد پنجاب میں لیب ٹاپ،آئی پیڈ سکیم بھی متعارف کرانے جارہے ہیں۔
