ایک ایسی ٹیکنالوجی سامنے آئی ہے جس کی مدد سے آپ اپنے قدموں سے بھی بجلی پیدا کرسکتے ہیں۔
رپورٹ کے مطابق برطانیہ سے تعلق رکھنے والی ایک کمپنی نے یہ ٹیکنالوجی تیار کی ہے۔ اس مقصد کے لیے کمپنی کی جانب سے ٹائلوں میں الیکٹرو میگنیٹک جنریٹر کا استعمال کیا گیا ہے جس سے پیروں کی حرکت سے بجلی پیدا ہوتی ہے۔
سولر پینلز کی قیمتیں کم ترین سطح پر، نئی قیمتیں سامنے آگئیں
متحدہ عرب امارات میں ورلد فیوچر انرجی کانفرنس کے موقع پر اس ٹیکنالوجی کا مظاہرہ کیا گیا۔ اس موقع پر کمپنی کی جانب سے بتایا گیا کہ ہر ٹائل کے نیچے ایک الیکٹرو میگنیٹک جنریٹر ہوتا ہے اور جب آپ اس پر قدم رکھتے ہیں تو پیروں کی حرکت سے وہ جنریٹر متحرک ہوتا ہے۔ کمپنی کے مطابق اس توانائی کو بجلی میں تبدیل کیا جا سکتا ہے۔
سولر پینلز کی جگہ سولر پینٹ کی انتہائی سستی ٹیکنالوجی متعارف
رپورٹ کے مطابق اگرچہ ٹائلز سے بہت کم توانائی پیدا ہوتی ہے مگر اس سے اسٹریٹ لائٹس کو روشن اور چھوٹی ڈیوائسز کو چارج کیا جا سکتا ہے۔ ٹائلز کو واشنگٹن میں ایک جگہ ایل ای ڈی لائٹس کو روشن کرنے کے لیے استعمال کیا جا رہا ہے جبکہ برطانیہ میں بھی مختلف جگہوں پر انہیں نصب کیا گیا ہے ۔ حکام کے مطابق ٹائلز پر چلنے سے پیدا ہونے والی توانائی بیٹری یا کسی ڈیوائس میں منتقل کی جاسکتی ہے۔
لچکدار مٹیریل سے بنا سولر پینل کتنا فائدہ مند ہے؟ جان کر آپ حیران رہ جائیں گے
رپورٹ میں مزید کہا گیا ہے کیہ مذکورہ کمپنی سولر پلس کے نام سے ایک ایسا ٹائل سسٹم بھی تیار کر رہی ہے جو شمسی توانائی اور قدموں سے پیدا ہونے والی توانائی کا امتزاج ثابت ہوگا۔ کمپنی یہ سولر ہائبرڈ ٹائلز رواں سال موسم گرما میں متعارف کرانے کی خواہشمند ہے۔
