سلاٹر ہاؤس راولپنڈی کے قریب رتہ امرال میں نالہ لئی کے کنارے جھگیوں میں خوفناک آتشزدگی کا خوفناک حادثہ پیش آیا جس پر اب قابو پا لیا گیا ہے تاہم آگ لگنے کے دوران پندرہ جھگیاں جل کر مکمل طور پر تباہ ہو گئی ۔
ریسکیو حکام کے مطابق اگ ایک جھگی میں لگی جس سے پھیلتے ہوئے پندرہ جھگیوں کو اپنی لپیٹ میں لے لیا ،آگ لگنے کے دوران چھگیوں میں موجود الیکٹرانکس، رہائشی سامان، کپڑے اور دیگر قیمتی اشیاء جل کر تباہ ہو گئیں،آگ لگنے پر دیگر جھگیوں کے افراد نے شور مچایا جس کے باعث جھگیوں میں موجود افراد نےبھاگ کر جان بچائی،آتشزدگی کی اطلاع ریسکیو1122 اور مقامی پولیس کو دی گئی ، ریسکیو فائر بریگیڈ کے عملہ نے موقع پر پہنچ کر آدھ گھنٹے کی جدوجہد کے بعد آگ پر قابو پایا ۔
