پاکستان کرکٹ ٹیم کی سلیکشن کمیٹی کے رکن محمد یوسف نے پاکستان کرکٹ بورڈ ( پی سی بی ) سے قبل ہی ٹیم کے ہیڈکوچ کے نام کا اعلان کر دیا۔
یاد رہے کہ قومی ٹیم کی سلیکشن کمیٹی نے منگل کے روز نیوزی لینڈ کے خلاف ہوم سیریز کے لئے قومی سکواڈ کا اعلان کیا جس کے مطابق فاسٹ باؤلر محمد عامر اور آلراؤنڈر کی ٹیم میں واپسی ہوئی ہے۔
حتمی سکواڈ میں عثمان خان اور عباس آفریدی کو شامل کیا گیا ہے جو پاکستان کی جانب سے اپنے کیرئیر کا ڈیبیو کریں گے۔
لازمی پڑھیں۔ محمد حفیظ کا نیوزی لینڈ کیخلاف سیریز کیلئے اعلان کردہ سکواڈ پر طنزیہ ردعمل
اس موقع پر پریس کانفرنس کے دوران سلیکشن کمیٹی کے رکن محمد یوسف قومی ٹیم کے نئے ہیڈ کوچ کا نام بول گئے۔
محمد یوسف نے پریس کانفرنس کے دوران گیری کرسٹن کا نام لیا۔
یاد رہے کہ اظہر محمود کو عارضی طور پر نیوزی لینڈ کے خلاف ہوم سیریز کے لئے ہیڈ کوچ مقرر کیا گیا ہے لیکن اپریل کے آخر تک مستقل ہیڈ کوچ کا اعلان ہوگا۔
