جنوبی وزیرستان میں سکیورٹی فورسز نے خفیہ اطلاعات پر آپریشن کے دوران دو دہشتگردوں کو جہنم واصل کر دیا۔
پاک فوج کے شعبہ تعلقات عامہ ( آئی ایس پی آر ) کے مطابق سکیورٹی فورسز نے جنوبی وزیرستان میں خفیہ اطلاعات پر آپریشن کیا جس کے دوران دہشتگردوں کے ساتھ فائرنگ کے تبادلے میں دو دہشتگرد ہلاک ہوگئے۔
ہلاک دہشتگردوں کے قبضے سے اسلحہ اور بھاری مقدارمیں دھماکا خیزمواد بھی برآمد ہوا۔
آئی ایس پی آر کے مطابق مارے گئے دہشتگرد علاقے میں دہشتگردی کی متعدد کارروائیوں میں ملوث تھے۔
علاقے میں دہشتگردوں کی ممکنہ موجودگی کے پیش نظر کلیئرنس آپریشن جاری ہے۔
آئی ایس پی آر کا کہنا تھا کہ سکیورٹی فورسز ملک سے دہشتگردی کی لعنت ختم کرنے کیلئے پرعزم ہیں۔
