سلیکشن کمیٹی کے رکن وہاب ریاض نے نیوزی لینڈ کے خلاف سریزی کیلئے سکواڈ کا اعلان کرتے ہوئے کہا کہ ہم نے لڑکوں سے بات کرلی ہے کہ نیوزی لینڈ سیریز کیسے کھیلنی ہے، ہم نے ورک لوڈ کو مدنظر رکھتے ہوئے فیصلے کیے ہیں، اس ٹیم سلیکشن میں کپتان اور کوچ کی مشاورت بھی شامل تھی، جن کھلاڑیوں کو نیوزی لینڈ سیریز کےلئے سلیکٹ کیا ہے وہ ہمارے ورلڈکپ پلان میں شامل ہیں۔
انہوں نے کہا کہ چیئرمین محسن نقوی نے کہا تھا کہ سلیکشن کمیٹی کو ایڈیشنل ذمہ داریاں بھی دوں گا تو اس لیے سنیئر منیجر لگایا گیا ہے، دنیا میں کوئی نئی چیز نہیں ہے کہ سلیکٹر ٹیم کے ساتھ جائیں گے پہلے بھی سلیکٹر ٹیم کے ساتھ ٹریول کرتے ہیں۔ وہاب ریاض کا کہناتھا کہ عثمان خان کی پچھلے دو تین سال سے بہت بہترین پرفارمنس جارہی ہے اس لیے سلیکٹ کیا ہے، بابر اعظم وائٹ بال کپتان ہیں جبکہ وائس کپتان پر ابھی بات چیت چل رہی ہے، ورک لوڈ منیجمنٹ بہت ضروری ہے تاکہ کھلاڑیوں کو انجری کا شکار نہ ہوں، ورک لوڈ منیجمنٹ میں کپتان کو بھی ریسٹ کروایا جاسکتا ہے، سلیکشن کمیٹی میں لاہور سمیت کراچی کے اسد شفیق اور جنوبی آفریقہ کے گیری کرسٹن بھی شامل ہیں۔
ان کا کہناتھا کہ رمیز راجہ کا محمد عامر کے بارے میں بیان بہت سخت تھا ہر کسی کی اپنی سوچ ہے، ہر بندے کو اپنی خواہش ظاہر کرنے کاحق ہے ، یہ ان کی سوچ ہے اور ان تک ہی رہے گی ۔ انہوں نے کہا کہ ٹیم بلکل متحد ہے کسی کھلاڑی کا کسی کے ساتھ اختلاف نہیں ہے۔
