صدر مملکت آصف علی زرداری نے ترک ہم منصب رجب طیب اردوان سے ٹیلی فونک گفتگو رابطہ کیا ہے۔ دو طرفہ تعلقات کی مزید بہتری اور باہمی دلچسپی کے امور پر تبادلہ خیال کیا گیا۔
صدر آصف علی زرداری نے ترکیہ کے صدر کو عید الفطر کی پیشگی مبارکباد دی۔ مختلف شعبوں میں دو طرفہ تعلقات مزید مضبوط بنانےکی ضرورت پر زور دیا۔
صدر مملک کی جانب سے ترک ہم منصب رجب طیب اردوان کو دورہ پاکستان کی دعوت بھی دی گئی۔ صدر آصف علی زرداری نے ترک عوام کیلئے نیک خواہشات کا بھی اظہار کیا۔
واضح رہے کہ کہ اس سے قبل 12 مارچ ترکیہ کے صدر رجب طیب اردوان نے صدر آصف علی زرداری کو ٹیلی فون کرکے عہدہ سنبھالنے پر مبار کباد دی۔ اعلامیہ کے مطابق صدر رجب طیب اردوان اور صدر آصف علی زرداری کے درمیان ہونے والے ٹیلیفونک رابطے میں دوطرفہ اہمیت کے امور پر تبادلہ خیال کیا گیا۔
