کاکول میں پاک فوج کی زیر نگرانی جاری فٹنس کیمپ کل ختم ہونے جارہاہے جس کے بعد کھلاڑی دوپہر دو بجے اسلام آباد کیلئے روانہ ہوں گے۔
تفصیلات کے مطابق قومی کرکٹرز کا آرمی چیف جنرل عاصم منیر کے ساتھ افطار ڈنر کا شیڈول تبدیل ہو گیاہے ، کھلاڑیوں کے اعزاز میں چیف آف آرمی سٹاف کی جانب سے افطار ڈنر اب 8 اپریل کو ہوگا ، جس کیلئے ڈریس کوڈ بھی جاری کر دیا گیاہے ، تمام کھلاڑیوں کیلئے افطار ڈنر میں کوٹ پہننا لازمی ہو گا جبکہ تقریب میں پاجاما ، سلیپرز یاشارٹس پہننے کی اجازت نہیں ہو گی ۔
یاد رہے کہ قومی ٹیم کے سابق کپتان شاہین شاہ آفریدی فیملی مصروفیات کے باعث کیمپ کے اختتام سے قبل ہی اپنے گھر روانہ ہو چکے ہیں جبکہ محمد رضوان اور صاحبزادہ فرحان بھی پاکستان کرکٹ بورڈ سے اجازت لینے کے بعد گھر جا چکے ہیں ۔
