نئی حکومت بننے کے بعد قومی احتسا ب بیورو کے 9 افسران کا تبادلہ کر دیا گیا ہے ۔
نوٹیفکیشن کے مطابق نیب کے 7 ایڈیشنل ڈائریکٹرز ، ایک ڈپٹی ڈائریکٹر اور ایک اسسٹنٹ ڈائریکٹر کا تبادلہ کیا گیاہے ، ایڈیشنل ڈائریکٹر فیاض حسین عباسی کو نیب سکھر سے نیب کراچی، ایڈیشنل ڈائریکٹر بلال بن جمشید نیب پشاور سے نیب ہیڈکوارٹر ، ایڈیشنل ڈائریکٹر حکمت اللہ خان کو پشاور سے نیب ملتان ،ایڈیشنل ڈائریکٹر عمران اختر مجید نیب کراچی سے نیب بلوچستان ، ایڈیشنل ڈائریکٹر آصف محمود کو نیب ملتان سے نیب بلوچستان بھیج دیا گیا۔
ان کے علاوہ اے ڈی ندیم احمد شیخ نیب سکھر سے نیب کراچی ،محمد راشد نیب بلوچستان سے نیب ہیڈ کوارٹر ، ڈپٹی ڈائریکٹر چنگیز خان کو نیب کراچی سے نیب بیڈ کوارٹر آپریشن ڈویژن اور اسسٹنٹ ڈائریکٹر شاہ زیب درانی مانیٹرنگ ڈویژن سےچیئرمین سیکرٹریٹ میں تعینات کر دیا گیا ۔
