پاکستان کی معروف ادکارہ ماہرہ خان کی مداح کے ساتھ ملاقات کی ویڈیو سوشل میڈیا پر وائرل ہو گئی ہے ۔
تفصیلات کے مطابق سوشل میڈیا پر وائرل ہونے والی ویڈیو میں دیکھا جا سکتا ہے کہ اداکارہ نے سفید رنگ کا لباس پہن رکھا ہے جس میں وہ نہایت خوبصورت دکھائی دے رہی ہیں جبکہ انہو ں نے اپنے ایک مداح کا ہاتھ تھام رکھاہے جو کہ اپنی پسندیدہ اداکارہ کو سامنے دیکھ کر نہ صرف ششدر ہے بلکہ وہ اپنی پسندیدگی کا اظہار بھی انتہائی انوکھے انداز میں کرتاہے ل۔
’ملاقات کے دوران مداح ماہرہ خان کا ہاتھ پکڑ کر ان کے ساتھ ایک سیلفی لینے کی درخواست کرتے ہوئے کہتا ہے کہ آپ سے ملاقات کرنا میرا خواب تھا جو آج پورا ہوگیا میں آپ کا شبیر(شبو) ہوں اور آپ میری ماہرہ ہیں جس پر ماہرہ خان کہتی ہیں بالکل میں آپ کی ماہرہ ہوں۔‘
اداکارہ اپنے مداح سے انتہائی حسنِ اخلاق سے پیش آئیں جس پر سوشل میڈیا صارفین ان کی خوب تعریفیں کر رہے ہیں اور انہیں سراہتے ہوئے کہہ رہے ہیں کہ ماہرہ خان اسی وجہ سے سپر اسٹار ہیں۔
View this post on Instagram
