سینیٹ انتخابات میں اب تین روز ہی باقی ہیں جس کیلئے ریٹرنگ افسران نے امیدواروں کی حتمی فہرست جاری کر دی ہے ۔
تفصیلات کے مطابق الیکشن کمیشن کا کہناتھا کہ سینیٹ انتخابات میں 18 امیدواربلامقابلہ منتخب ہو گئے ہیں ، پنجاب میں 7 جنرل نشستوں پر امیدوار بلامقابلہ منتخب ہوئے تاہم پنجاب سے خواتین اور ٹیکنوکریٹ کی دو دو اور ایک اقلیتی نشست پر انتخاب ہوگا۔
الیکشن کمیشن کے مطابق بلوچستان سے تمام 11 نشستوں پر بلامقابلہ سینیٹرز منتخب ہو چکے،سندھ اسمبلی مجموعی طور پر 12 سینیٹرز کا انتخاب کرے گی، 7 جنرل ، خواتین اورٹیکنوکریٹس کی دو دو ، اور ایک اقلیتی نشست پر الیکشن ہوگا۔ خیبر پختونخوا سے بھی سینیٹ کی 11 نشستوں پر انتخاب ہونا ہے، وفاق سے ایک جنرل اور ایک ٹریکنوکریٹ کی نشست پر انتخاب ہوگا۔
