پاکستان کرکٹ بورڈ نے قومی ٹیم کیلئے کوچز کی تلاش کرنے کیلئے ایک اور قدم آگے بڑھاتے ہوئے اشتہار دیدیا ہے ۔
تفصیلات کے مطابق پاکستان کرکٹ بورڈ ںے کوچ کی تلاش کیلئے اپنی ویب سائٹ پر اشتہار جاری کر دیاہے جس میں وائٹ اور ریڈ بال کیلئے ہیڈ کوچز کیلئے الگ الگ درخواستیں طلب کی گئیں ہیں اور کوچز کے امیدوار 15 اپریل تک درخواستیں جمع کروا سکتے ہیں ۔
پاکستان کرکٹ بورڈ نے وائٹ بال اور ریڈ بال کے لیے ایل الگ ہیڈ کوچز مقرر کرنے کا فیصلہ کیا ہے ،وائٹ بال کے لیے گیری کرسٹن اور ریڈ بال کرکٹ کے لیے جیسن گلیسپی سے معاملات طے پانے کی امید ہے۔
دوسری جانب محسن نقوی نے عہدہ سنبھالنے کے بعد بڑی تبدیلی کرتے ہوئے اہم فیصلے بھی کیئے ہیں جن میں ایک فیصلہ کپتان کی تبدیلی کا بھی ہے ، سلیکشن کمیٹی کی تجاویز کو سامنے رکھتے ہوئے بابراعظم کو ایک مرتبہ پھر سے کپتان بنانے کا اصولی فیصلہ کر لیا گیاہے ۔
