ملکی تبادلہ مارکیٹوں میں ڈالر کے مقابلے میں روپے کی قدر میں آج مسلسل 16 ویں روز اضافے کا رجحان برقرار رہا۔
اسٹیٹ بینک کے مطابق کاروباری ہفتے کے تیسرے روز انٹربینک میں ڈالر کی قدر میں ایک روپے کی کمی ہوگئی، جس سے ڈالر 288 روپے 75 پیسے پر بند ہوگیا، انٹر بینک میں ڈالر ڈیڑھ ماہ کی کم ترین سطح پر آگیا۔
کرنسی ڈیلرز کے مطابق کے مطابق انٹربینک کے زیراثر اوپن مارکیٹ میں بھی ڈالر ایک روپے سستا ہوکر 290 روپے پر آ گیا، تین ہفتے میں اوپن مارکیٹ میں ڈالر 40 اور انٹر بینک میں 18.35 روپے نیچے آگیا۔
دوسری جانب کاروباری ہفتے کے دوسرے روز انٹربینک مارکیٹ میں پاکستانی روپے کے مقابلے میں سعودی ریال کی قدر 77.25 ،اماراتی درہم 78.90 رہی۔
یاد رہے کہ گزشتہ کاروباری ہفتے کے آخری روز اوپن مارکیٹ میں ڈالر ایک روپے کمی کے بعد 295 روپے کا ہوگیا تھا۔5 ستمبر کو اوپن مارکیٹ میں ڈالر کی قیمت 333 روپے تک پہنچ گئی تھی، اوپن مارکیٹ میں ڈالر بلند ترین سطح سے 40 روپے سستا ہوچکا ہے۔
یہ بات قابل ذکر ہے کہ انٹربینک میں ڈالر 5 ستمبر کو 307 روپے 10 پیسے تک پہنچ گیا تھا، ڈالر اب تک بلند ترین سطح سے 18 روپے 35 پیسے سستا ہوچکا ہے۔
واضح رہے کہ ڈالر مافیا کے خلاف جاری کریک ڈاؤن سے گذشتہ دو ہفتوں میں روپے کی قدر میں 4فیصد کا اضافہ ہوا اور روپیہ کی قدر میں مجموعی طور پر 12روپے سے زائد کا اضافہ ریکارڈ کیا گیا ہے۔
