محکمہ موسمیات نے ملک کے مختلف حصوں میں بارش کی پیشگوئی کر دی۔
جمعہ کے روز راولپنڈی اور اسلام آباد میں ٹھنڈی ہوائیں چلنے سے موسم خوشگوار ہوگیا اور بارش سے درجہ حرارت میں واضح کمی ہوگئی جبکہ محکمہ موسمیات نے ابرکرم ابھی اور برسنے کی پیشگوئی بھی کردی ہے۔
محکمہ موسمیات نے خیبر پختونخوا ، گلگت بلتستان ، پنجاب اور شمالی بلوچستان میں بھی بارشوں اور بالائی علاقوں میں برفباری کی پیشگوئی کی۔
محکمہ موسمیات کے مطابق بالائی خیبر پختونحوا اور کشمیر میں چند مقامات پر موسلادھار بارش کی توقع ہے۔
ملک کے جنوبی علاقوں میں آندھی اور جھکڑ چلنے کا امکان ہے۔
اسلام آباد اور گردونواح میں مطلع ابرآلود رہنے اور تیزہواؤں کےساتھ بارش کا امکان ہے۔
