دورہ نیوزی لینڈ کا وقت قریب آ تا جا رہاہے لیکن ابھی تک قومی ٹیم کے کوچ کا نام فائنل نہیں ہو سکا ہے تاہم پی سی بی بہترین کوچ کی تعیناتی کیلئے کوششیں جاری رکھے ہوئے ہے ۔
تفصیلات کے مطابق پی سی بی نے ہیڈ کوچ اور باولنگ کوچ کے لئے غیر ملکی افراد سے رابطے جاری رکھے ہوئے ہیں ، ہیڈ کوچ کے لئے گیری کرسٹن جبکہ باولنگ کوچ کیلئے سابق آسٹریلوی کرکٹر جیسن گلیسپی کے ساتھ بات چیت جاری ہے ۔ گیری کرسٹن نے ہیڈ کوچ پر اپنی شرائط سے آگاہ کردیا ہے ، پی سی بی عہدیداران کو گیری کرسٹن کو راضی کرنے کا ٹاسک دیا گیا ہے ۔باولنگ کوچ کے لئے جیسن گلیسپی کے ساتھ معاملات طے پائے جانے کے قوی امکانات ہیں ، پاکستان ٹیم کی کوچنگ کے لئے جسٹن لینگر اور مائیک ہیسن پہلے ہی انکار کرچکے ہیں۔
