استنبول سے اسلام آباد آنیوالی قومی ایئرلائن (پی آئی اے) کی پرواز میں اچانک فنی خرابی پیدا ہو گئی۔
ذرائع کے مطابق طیارہ ٹیکسی وے پر پہنچاتھا کہ لینڈنگ گیئر میں خرابی پیدا ہوگئی،کپتان نے ایمرجنسی بریک لگائے اور طیارے کو واپس بورڈنگ برج پر لے آیا،مسافروں کو آف لوڈ کرکے لاونج منتقل کردیا گیا۔
ترجمان پی آئی اے نے تصدیق کرتے ہوئے کہا کہ پرواز پی کے704کے بوئنگ777طیارے کے لینڈنگ گیئر میں فنی خرابی پیدا ہوئی ہے،طیارہ استنبول ایئرپورٹ پر گراونڈ ہے،انجینئرز کی ٹیم پرزہ جات لیکر استنبول روانہ ہوگئی۔
مسافروں کو ترکش ایئرلائن کی پرواز کےذریعے اسلام آباد روانہ کیا گیا،بعض رہ جانیو والے مسافروں کو بھی متبادل پرواز کے ذریعے اسلام آباد پہنچانے کیلئے انتظامات کئے جارہے ہیں۔
