انٹرنیشنل کرکٹ کونسل ( آئی سی سی ) کی جانب سے ٹی 20 ورلڈ کپ 2024 کے ٹرافی ٹور کی لانچنگ کردی گئی۔
ویسٹ انڈیز کے سابق آلراؤنڈر کرس گیل اور امریکی کھلاڑی علی خان نے نیویارک میں ایمپائر سٹیٹ بلڈنگ میں ٹرافی ٹور کی لانچنگ کی۔
آئی سی سی کی جانب سے ابتدائی طور پر پہلے ایک مہینے کے ٹرافی ٹور کا شیڈول جاری کیا گیا ہے جس کے مطابق ورلڈ کپ ٹرافی ٹور کے دوران 15 ممالک کا دررہ کرے گی۔
ٹرافی کو ارجنٹینا، برازیل اور کینیڈا بھی لے جایا جائے گا۔
18 سے 23 تک ٹرافی کو نیویارک، ڈیلس اور ہیوسٹن کا ٹور کروایا جائے گا جس کے بعد ویسٹ انڈیز کا دورہ کروایا جائے گا۔
یاد رہے کہ آئی سی سی ٹی ٹوئنٹی ورلڈ کپ کا آغاز یکم جون 2024 سے ہوگا جبکہ ایونٹ کی میزبانی ویسٹ انڈیز اور امریکا کرے گا۔
