امیر بالاج ٹیپو کے قتل کے واقعہ کی ایک اور فوٹیج سامنے آگئی جس میں اہم ملزم کو شناخت بھی کر لیا گیا۔
حکام کے مطابق امیر بالاج قتل کیس میں اہم پیشرفت ہوئی ہے اور واقعہ کی ایک اور ویڈیو بھی سامنے آگئی ہے جس میں ہارون نامی ملزم کو شناخت کرلیا گیا ہے۔
لازمی پڑھیں۔ امیر بالاج ٹیپو کا دیرینہ دوست ریکی کرنے کے الزام میں گرفتار
وقوعہ کے روز ملزم ہارون نے امیر بالاج ٹیپو پر فائرنگ کی مانیٹرنگ کی جبکہ فرار ہونے سے پہلے ہارون نے فائرنگ بھی کی۔
بالاج پر فائرنگ کرنیوالا ملزم مظفر ہارون کو اپنے ساتھ لے کر آیا تھا اور فائرنگ کے بعد بھگدڑ مچنے سے ہارون موقع سے فرار ہوگیا۔
لازمی پڑھیں۔ امیر بالاج ٹیپو قتل کیس میں گوگی بٹ کا بہنوئی خواجہ ندیم وائیں گرفتار
ویڈیو میں سرخ رنگ کی جیکٹ میں ملبوس ہارون کو جائے وقوعہ سے فرار ہوتے بھی دیکھا گیا۔
یہ بھی پڑھیں۔ امیر بالاج ٹیپو کے قتل کے مقدمہ میں بڑی پیش رفت سامنے آگئی
یاد رہے کہ گزشتہ ماہ لاہور کے علاقے ٹھوکر نیاز بیگ کے قریب نجی سوسائٹی میں شادی کی تقریب میں فائرنگ سے ٹیپو ٹرکاں والے کے بیٹے امیر بالاج کو قتل کر دیا گیا تھا جس کا مقدمہ پولیس نے تھانہ چوہنگ میں درج کر رکھا ہے۔
