امیر بالاج ٹیپو کے قتل کے مقدمہ میں نامزد ملزم طیفی بٹ کی بیرون ملک سے گرفتاری کے لئے تیاری کر لی گئی۔
گزشتہ ماہ لاہور کے علاقے ٹھوکر نیاز بیگ کے قریب نجی سوسائٹی میں شادی کی تقریب میں فائرنگ سے ٹیپو ٹرکاں والے کے بیٹے امیر بالاج کو قتل کر دیا گیا تھا جس کا مقدمہ پولیس نے تھانہ چوہنگ میں درج کر رکھا ہے۔
لازمی پڑھیں۔ امیر بالاج ٹیپو کا دیرینہ دوست ریکی کرنے کے الزام میں گرفتار
مقدمے میں 4 نامعلوم حملہ آوروں کے ساتھ خواجہ تعریف عرف طیفی اور خواجہ عقیل عرف گوگی بٹ کو بھی نامزد کیا گیا اور مدعی مقدمہ کے مطابق حملہ آور نے طیفی بٹ اور گوگی بٹ سے دشمنی کے باعث فائرنگ کی۔
لازمی پڑھیں۔ امیر بالاج ٹیپو قتل کیس میں گوگی بٹ کا بہنوئی خواجہ ندیم وائیں گرفتار
کیس کی تفتیش میں اہم پیش رفت ہوئی ہے اور نامزد ملزم طیفی بٹ کی بیرون ملک سے گرفتاری کے لئے تیاری کرلی گئی ہے۔
ڈی آئی جی آرگنائزڈ کرائم عمران اشرف کے مطابق طیفی بٹ کی گرفتاری کے ریڈ وارنٹ کیلئے کاغذات انٹرپول کو بھجوادئیے گئے ہیں۔
عمران کشور نے بتایا کہ اگلے ہفتے ٹیم ملزم کی گرفتاری بیرون ملک جائے گی، ملزم دبئی سے امریکا بھی چلا گیا تواسے پاکستان لائیں گے۔
