خیبرپختونخوا کے ضلع خیبر کے علاقے تیراہ میں سیکیورٹی فورسز کی کارروائی کے دوران اہم کمانڈر سمیت 3 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) سے جاری بیان میں کہا گیا کہ آپریشن دہشت گردوں کی موجودگی کی خفیہ اطلاع پر کیا گیا۔ دہشت گردوں اور سیکیورٹی فورسز میں شدید فائرنگ کا تبادلے میں کمانڈر کفایت عرف تور عدنان سمیت 3 دہشت گرد مارے گئے۔
ترجمان پاک فوج کے مطابق ہلاک دہشت گرد کمانڈر شہریوں اور سیکیورٹی فورسز پر حملوں میں ملوث تھا۔ بیان میں مزید کہا گیا ہے کہ سیکیورٹی فورسز ملک سے دہشت گردی کے خاتمے کے لئے پرعزم ہیں، علاقے میں مزید دہشت گردوں کی تلاش کیلئے سرچ آپریشن جاری۔
