لاہور ہائیکورٹ کے جسٹس سید شہباز علی رضوی نے پاکستان تحریک انصاف ( پی ٹی آئی ) کے رہنما چوہدری پرویزالہیٰ کے خلاف درج مقدمات کی تفصیلات لینے کی درخواست پر سماعت سے معذرت کرلی۔
بدھ کے روز لاہور ہائیکورٹ کے جسٹس چوہدری محمد اقبال نے سابق وزیراعلیٰ پنجاب چوہدری پرویزالہیٰ کی درخواست پر سماعت کی۔
درخواست میں انسپکٹر جنرل ( آئی جی ) پنجاب ڈاکٹر عثمان انور سمیت دیگر کو فریق بنایا گیا اور درخواست گزار نے استدعا کی کہ سیاسی بنیادوں پر مقدمات درج کیے جارہے ہیں متعلقہ ادارے مقدمات کی تفصیلات فراہم نہیں کررہے۔
درخواست گزار نے استدعا کی کہ عدالت درج مقدمات کی تفصیلات فراہم کرنے کا حکم دے۔
تاہم، جسٹس سید شہباز علی رضوی نے درخواست پر سماعت سے معذرت کرلی اور فائل چیف جسٹس کو بھجوا دی۔
