غازی یونیورسٹی ڈیرہ غازی خان کے طلبہ و طالبات اور فیکلٹی نے ملتان گیریژن کا دورہ کیا ہے۔
غازی یونیورسٹی ڈیرہ غازی خان کے طلبہ وطا لبات اور فیکلٹی نےملتان گیریژن میں ایک دن پاک فوج کے ساتھ گزارا،طلباء نے یاد گارِ شہداء پر حاضری دی، پھولوں کی چادر چڑھائی اور وطن عزیز پر جان نچھاور کرنے والے بہادر سپوتوں کے بلند درجات کے لیے خصوصی دعا کی۔
طلباء کو پاک فوج کی ملک و قوم کے لیےدی گئی لازوال قربانیوں اورکسی بھی خطرے سے نمٹنے کے بارے میں بریفنگ دی گئی۔
انہیں فوجی طرز زندگی اورروزمرہ کے معمول کے بارے میں بھی آگاہی فراہم کی گئی،طلبہ وطالبات نےفوجی سرگرمیوں کا عملی نمونہ بھی دیکھاجس سے وہ خوب محظوظ اورمتاثر ہوئے، طلباء کو اسالٹ کورس بھی دکھایا گیا،انہوں نے بکتر بند گاڑیوں پر سیر بھی کی۔
طلباء کو ٹینک مینٹیننس اورموبائل ریمپ بنانے کی مشق دکھائی گئی۔ ان ایکٹوٹیز سےطلبہ و طالبات بہت متاثر ہوئے،اس دورے کامقصد عوام اور فوج کے درمیان تعلقات کو مزید مستحکم بنانا ہے۔
طلباء کا کہنا تھاکہ "ہمیں یہاں پر بہت سی ایکٹوٹیز دکھائی گئی ہیں۔ہم نے عسکری ٹریننگ دیکھی اور پاک فوج کے وطن عزیز کے ساتھ جذبے نے ہمیں بہت متا ثر کیا۔"
"ہم پاک فوج کی ٹریننگ اور تربیتی معیار کو خوب سراہتے ہیں۔" "ہماری پاک فوج کسی بھی دشمن کی فوج سے کم نہیں ہے اور وقت آنے پر ہماری حفاظت کر سکتی ہے۔"
