پی ایس ایل کے ٹیبل پر ملتان سلطانز نے پلے آف مرحلے کیلئے سب سے پہلے کوالیفائی کیا جبکہ کوئٹہ گلیڈی ایٹرز پلے آف مرحلے میں پہنچنے والی چوتھی ٹیم بن گئی ہے ، اسلام آباد یونائیٹڈ اورپشاور زلمی پہلے ہی اگلے مرحلے میں جگہ بنا چکی ہیں ۔
کوئٹہ گلیڈی ایٹرز نے آج کے میچ میں لاہور قلندرز کو شکست دیتے ہوئے پلے آف مرحلے میں جگہ بنائی جبکہ لاہور قلندرز اور کراچی کنگز سیزن سے باہر ہو گئیں ہیں ۔لاہور قلندرز نے پاکستان سپر لیگ کے اس سیز ن میں صرف ایک ہی میچ جیتا ۔
ٹیبل پر پہلے نمبر پر موجود ملتان سلطانز نے 9 میچز میں 6 جیتے جبکہ 3 میں شکست کا سامنا کرنا پڑا جس کے ساتھ ٹیم کے 12 پوائنٹس ہیں ، دوسرے نمبر پر اسلام آباد یونائیٹڈ ہے جو اپنے 10 میچز میں سے 5 میچ جیت کر 11 پوائنٹس کے ساتھ دوسرے نمبر پر ہے ، ٹیم کا رن ریٹ پلس 0.224 ہے ۔
تیسرے نمبر پر پشاور زلمی موجود ہے جس نے 9 میں سے 5 میچز جیتے اور 3 میں شکست کا سامنا کرنا پڑا ۔ چوتھے نمبر پر کوئٹہ گلیڈی ایٹرز موجود ہے جو اب تک 9 میچز میں سے 5 جیت چکی ہے جبکہ تین میں شکست کا سامنا کرنا پڑا۔کراچی کنگز 8 پوائنٹس کے ساتھ پانچویں اور لاہور قلندرز 3 پوائنٹس کے ساتھ چھٹے نمبر پر ہے ۔
